Со првиот силен ветар и студените денови, им се враќаат маките на сите оние кои патат од воспалени синуси. Главоболката е сериозен придружник на синуситисот, кај кој не помагаат ниту најсилните лекови.
Токму заради тоа, најпаметно е да се свртите кон природните медоди за ублажување на болките, отколку во себе да внесувате разни хемиски препарати.
Најдобриот природен сојузник во борбата против воспалението на синусите е ренот. Еве како да подготвите овој ефикасен домашен лек:
Се препорачува свежиот рен да го изрендате и да го прелиете со вински оцет, а потоа да го ставите во шише од половина литар и да го затворите. Смесата чувајте ја затворена на собна температура 10 дена, со повремено промешување. Кога ќе помине предвидениот рок, по неколку пати во текот на денот, директно вдишувајте го она што испарува од отвореното шише по 5 минути.
Со истата течност натопете ткаенина и држете ја на чело во текот на ноќта. Оваа терапија трае 5 дена, што е доволно лутиот и силен мирис на ренот во оцет да ве ослободи од синуситисот и од непријатната главоболка.
Друго решение е да изрендате 50 грама рен, да го ставите во 500 мл вода и да го оставите да изврие. Потоа да ја ставите главата врз тенџерчето, да се покриете со крпа и да ја вдишувате пареата.