Што откриваат промените на вашите стапала?

Дали знаевте дека стапалата, како и лицето, се најдоброто огледало на вашата здравствена состојба? Секоја промена на стапалата е знак дека нешто се случува во организмот, а лекарите ги издвојуваат едни од најважните промени:

• Ако забележите дека раните многу бавно ви зараснуваат, можно е да патите од дијабетес. Сепак, др.Каролин Мекалун, американски ортопед, вели дека тоа може да биде и знак на меланом, па препорачува да ве прегледа дерматолог.
  
  
• Губењето на влакната на ножните прсти често укажува на проблеми со циркулација. Ненадејното губење на влакната е знак дека вашите стапала не добиваат доволно крв за да го одржат растењето на влакната.
  
  
• Грчевите неретко се поврзуваат со нервни проблеми, но може и да се показател за дехидратација или лоша исхрана, па се препорачува вежбање, внесување течности и намирници богати со калиум, магнезиум и калциум.
  
  
• Хипотиреоза т.н. мрзлива тироидна жлезда е најчеста причина поради што ви се ладни стапалата, што може да предизвика и губење на косата, вртоглавици, здебелување и депресија.
  
  
• Отекување, болка и црвенило на ножниот палец може да бидат последица на гихт, артритис или инфекција, додека жолтите нокти алудираат на појава на габична инфекција.