Богатите витамини, минерали и влакната го прават цвеклото вистински еликсир на здравјето. Нутриционистите особено го препорачуваат за здрава исхрана, за чистење на организмот од токсини и за зајакнување на имунитетот.
Ги содржи речиси сите важни минерали – калиум, калциум, фосфор, натриум, магнезиум, железо, бакар, манган, флуор, јод, литиум, како и витамините C, B2 и B12. Истражувањата покажале дека редовното консумирање цвекло го спречува губењето на минерали од коските и од забите, го забавува стареењето и појавата на артериосклероза, а ја поттикнува и работата на цревата.
Благодарение на бетаинот, го поттикнува метаболизмот, го регулира крвниот притисок, го намалува нивото на холестерол, ги чува крвните садови и ја поттикнува работата на црниот дроб. Со оглед на тоа дека содржи поголема количина на железо и пигмент на антоцијани кој му ја дава црвената боја, цвеклото навистина е корисен и за оние кои се слабокрвни.
Се препорачува и при грип, бронхитис, воспаление на белите дробови и болести на желудникот. Но, цвеклото мошне благотворно делува и врз работата на мозокот и нервите.
По овие придобивки, веднаш појдете до пазар и купете едно цвекло за денешната салата.