Бројни студии покажуваат дека секојдневното мерење влијае негативно на самодовербата. Иако не смееме да си дозволиме бројката на вагата да ја одредува состојбата на нашето тело и ум, постојат правила за мерење на телесната тежина кои ќе ни овозможат да бидеме позадоволни со своето тело.
Мерете се еднаш неделно
- Ако се обидувате да изгубите или добиете одрен број килограми, најдобро е да се мерите еднаш на седум дена или на две недели, предлага нутриционистот Александра Каспере. Тежината варира на дневна база во зависност од тоа дали имате месечен циклус или дали за ручек сте имале солен оброк, па секојдневната проверка на тежината може да ви предизвика само непријатност.
Мерете се во среда наутро
Губењето до 2 килограми неделно е реална цел, но успехот би бил потежок ако сте опседнати со резултатите.
- Едноаш се мерев на секој час за да ја докажам флуктуацијата во тежината која варираше 2,5 килограми во само еден ден, открива нутрициониската.
Таа предлага мерење наутро, после одење по голема нужда. Исто така, една финска студија покажала дека е најдобро тежината да се мери на средината на неделата, бидејќи тогаш промените се најмали.
Дајте си простор за „маневрирање“
Секој од нас во главата го има замислено идеалниот број на килограми за совршена линија кон која се стремиме и со која најдобро би се чувствувале. Ако сеуште не сте ја постигнале, немојте да бидете престроги кон себе. Дозволете си простор од плус/минус 3 килограми.
- На овој начин ќе ги спречите брановите на екстремна тага и други емоции ако не сте задоволни со реалната бројка која ја покажува вагата, вели Касперо.
Совет плус: Најдете и други начини за мерење на успехот. Мерењто на тежината е сосема во ред, но обрнете внимание и на тоа како ви стои облеката и на тоа како вие се чувствувате во своето тело.