Рчењето може да биде мошне непријатно особено ако пред вас е напорен ден, а не можете ни око да склопите поради тоа што некој цела ноќ рчи.
Една од причините кои допринесуваат за оваа состојба е вишокот слуз кој што се создава при што се оптеретуваат дишните патишта. Наједноставниот начин да го решите проблемот на природен начин е со помош на напиток од овошје и зеленчук.
За него ќе ви бидат потребни: четвртина лимон, 1 парче ѓумбир, 2 јаболка и 2 моркови.
Сите состојки ставете ги во блендер и блендајте додека не добиете убав густ сок. Доколку имате проблем со рчењето неколку часа пред спиење напијте се од сокот.
Освен пиењето на овој природен сок се препорачува да се внимава и на исхраната. Затоа избегнувајте консумација на преработена храна, поголеми количини на алкохол, пржена храна и храна што тешко се вари како и големи количества чоколадо.