Како и секој орган во нашето тело така и нашата интимна регија има свој природен баланс, кој константно го нарушуваме со употребата на различни хемикалии кои ни се нудат на пазарот. Последицата од дисбалансот е пецкање, зголемен секрет, а понекогаш и појава на инфекции.
Доколку сакате да го одржите здравото вагинално здравје тогаш обидете се да се држите до неколку едноставни совети.
Чиста вода – водата е најдобра за одржување на интимната хигиена, а сите останати козметички средства се додаток. Секој го избира она што најмногу му одговара, иако најмногу се препорачува користење на сапуни чија pH вредност одговара на pH вредноста на кожата. Со користењето на различни гелови и неадекватни сапуни за интимна хигиена може да го нарушите природниот баланс на вагината и негативно да влијаете врз нејзината pH вредност. Затоа внимавајте какви препарати користите и секогаш употребувајте чист пешкир наменет само за тој дел од телото.
За време на менструацијата – во текот на овие денови се препорачува туширање со млака вода и тоа што почесто. Редовно менувајте ги влошките и тампоните за да не предизвикате размножување на бактерии.
Долна облека и гардероба – најдобрата опција е користење на памучна долна облека и избегнување на претесна гардероба, што предизвикува зголемено потење. Синтетичките парчиња освен тоа што го зголемуваат потењето, не дозволуваат вагината „да дише“. Со тоа се спречува природното излачување на секрети и со тоа се создаваат услови за размножување на микрооргазнизмите.
Исхрана – преголемото внесување на шеќери во организмот ја нарушува pH вредноста на интимната регија и го поттикнува развојот на најразлични инфекции. Храната со висока концентрација на јаглехидарти лесно може да биде предизвикувач на воспаленија. Од друга страна треба да се знае дека внесувањето на јогурт, кисело млеко и кефир, значи внесување на позитивни бактерии кои помагаат во одржувањето на природниот баланс во интимните делови од телото.