Болката во грбот не треба да се сфати како несериозна. Без разлика дали имате бурен или мрзелив начин на живот, секој од нас ризикува да го оштети рбетниот столб преку секојдневните активности. За среќа, пронајдовме неколку едноставни, но мошне ефикасни вежби, кои ќе ви ја отстранат болката од грбот.
Вежба бр.1
Легнете на грб. Свиткајте ја десната нога кај коленото. Истегнете ја левата нога, при што ќе ја држите зад коленото со двете раце и на тој начин ќе ја поткревате половината. Бидете во оваа положба 30 секунди, а потоа вежбата повторете ја и за другата нога.
Вежба бр.2
Легнете на грб и свиткајте ги двете нозе кај колената. Фатете ја левата нога со двете раце кај коленото и туркајте ја накај половината. Бидете во оваа позиција 20 секунди, а потоа повторете ја вежбата по два пати на двете нозе.
Вежба бр.3
Легнете на грб. Истегнете ја десната рака на страна во прав агол со телото. Истегнете ја левата нога од спротивната страна (како на сликата). Потрудете се да го истегнете десното колено до левата страна од телото, со што ќе ја допре и вашата лева рака. Бидете така 20 секунди, а потоа повторете ја вежбата по два пати за едно колено.
Вежба бр.4
Легнете на грв и свиткајте ја левата нога кај коленото. Десната нога, кренете ја на левото колено (како на сликата). Внимателно туркајте ја левата нога накај главата. Издржете во оваа позиција 30 секунди, а потоа повторете и со другата нога.
Вежба бр.5
Клекнете на подот со што ќе се истегнувате придржувајќи се за десното колено, а левата нога ќе ја истегнете наназад. Бидете во оваа положба 30 секунди, а потоа направете ја на другата нога.
Вежба бр.6
Легнете на десната страна. Свиткајте ја левата нога кај коленото, држејќи го зглобот со левата рака. Полека тегнете го зглобот, при што ќе ги стегнувате мускулите во левото бедро, обидувајќи се грбот да го држите исправен. Бидете во оваа позиција 30 секунди и потоа повторете на другата страна.