На многумина, лукот им е омилен во исхраната, па се трудат да го додадат во секој ручек. Сепак, има и такви кои не можат ни да го помирисаат, а камо ли да го вкусат. Како и да е, лукот е мошне здрав и токму затоа го препорачуваат многу лекари. Покрај тоа што е природен лек, може да се искористи и за многу други работи.
Исчистете си го лицето
Наместо да си го чистите лицето со хемиски препарати искористете го лукот. Изблендајте го лукот и ставете тенок слој на кожата на лицето и правете кружни движења 15 минути. На крај измијте го и ставете крем.
Излечете ги габичните инфекции на нозете
Во леген ставете вода со чешчиња лук и нека ви постојат нозете 30 минути. Можете и да додадете маслиново масло и на крај да ги истриете нозете.
Елиминирајте ја забоболката
Ако ве боли заб, а не сте во можност да го посетите вашиот заболекар, лукот ќе ја намали болката. Скршете едно парче лук и ставете го веднаш до инфицираниот заб и болката за кратко ќе ја снема.
Растопете го мразот на патот
Ставете сол заедно со лук на патот пред вашата куќа доколку има многу мраз и видете како мразот се растопува. На тој начин наутро нема да имате проблем.
Извадете го парчето дрво или трн од кожата
Добро познат лек за ова е да ставете парче лук на местото каде ви се наоѓа шпицата или трнот и да го замотате со завој. Оставете го лукот да ви стои на местото цела ноќ, а утредента ќе немате ниту шпица ниту црвенило.
Поправете ја пукнатината на стаклото
Можеби ви звучи чудно, но лукот навистина може да поправи пукнатина на стакло. Здробете лук и од сокот намачкајте го пукнатото стакло. Со тек на време пукнатината ќе ја снема.
Излечете ги акните
Можете да се изборите со акните на два начини: или да го изедете лукот или да ги намачкате акните со лук. Сепак, пред да го ставете на акната прво наводнете го убаво, со цел да не ве пече.
Чувајте ги растенијата од штетници
Измешајте сок од лук со вода и сапун и течноста ставете ја во шишенце со пумпица. Прскајте ги растенијата со водата и паразитите нема да ги напаѓаат истите.
Излекувајте настинка
Лукот го зајакнува имунитетот, а исто така се бори и против вируси. Доколку почувствувате настинка, за да не се плашете дали ќе премине во грип или вирус, изедете едно чешче лук, кој има антибиотско дејство.