Месецот во кој сте родени го одредува вашиот хороскопски знак. Но, освен тоа, едно ново истражување покажува дека може да покажува многу работи за вашето здравје.
Родените наесен
Една студија откри дека родените во ноември се многу подобри при фитнес вежби и тоа за цели 10 поени во споредба со оние кои се родени во април. Мајките ги носат во утроба преку лето, при што витаминот D, кој во тој период е многу распространет, е заслужен за физичката издржливост на детето.
Исто така, овие деца поверојатно е да се подложни на алергии од храна за разлика од оние кои се родени во други сезони, покажува едно истражување спроведено на институтот Џонс Хопкинс.
Родените зиме
Австриски и Германски истражувачи откриле дека повеќето мажи родени преку зимскиот период најверојатно се левучари. Високото ниво на тестостерон во матката може да доведе до оваа појава, затоа што подолгиот ден за време на летниот период може да направи наплив на тестостерон додека фетусот се развива.
Предвремено родени
Бебињата зачнати во мај, најверојатно е да се родат порано отколку што треба. Бремените жени се изложуваат на настинки во последното тримесечје и можеби токму тоа е причината за предвременото доаѓање на свет.
Родени напролет
Луѓето родени напролет се изложени за 21% поголем ризик да развијат меланом, открива една студија спроведена во 2014 година. Изложувањето на UV зраци за време на првите неколку месеци од бременоста може да ја зголеми оваа веројатност. Токму затоа, ако сте родени во овој период, мора да употребувате крем со заштитен фактор, да носете капа и очила и да се чувате од сончевите зраци, со цел да не развиете канцер на кожа.
Родени лете
Бебињата родени лете најверојатно ќе имаат потреба од очила за вид. Ова е случај поради количината на светлина на која се изложени пред и откако ќе се родат. Истражувањата спроведени врз животните покажале дека може токму тоа да влијае врз нормалниот развој на очите.
Исто така, родените во летниот период имаат пожив темперамент, па почесто го менуваат расположението од среќно во тажно и обратно. Научниците сметаат дека виновници за ова е влијанието на светлината и температурата врз мозочните хемикалии кои го регулираат менталното здравје.