Јогата и пилатесот имаат многу сличности и речиси му даваат исти придобивки на телото. Овие форми на вежби обично спаѓаат во иста категорија покрај другите фитнес вежби, но иако се толку слични, постојат одредени разлики, кои добро е да ги знаете.
Јогата потекнува уште пред илјадници години и прв пат се практикувала во Индија. Но, со тек на време, еволуирала во различни форми, па сега се негуваат Vinyasa, Ashtanga, Kundalini и комбинирана јога.
За разлика од јогата, пилатесот го развил Џосеф Хабер Пилатес во 1920-тите години, како начин да се рехабилитира и зајакне телото за време на војна. Тоа многу им се допаднало на танчерите кои развиле различни техники на вежби со цел да ја подобрат нивната кондиција за време на настап.
Иако и двете рутини се практикуваат со заедничка идеја да се подобри телото и дишењето, јогата потекнува од спиритуален концепт и се поврзува повеќе со внатрешниот мир и физичко заздравување. Да научиш да го стишуваш умот е основно.
- Медитацијата е огромен дел од јогата. Додека пилатесот се фокусира на поврзување на телото и умот и како истото може да се практикува во секојдневието, јогата се фокусира на врската меѓу умот, телото и духот, објаснува јога мастерот Крис Џејмс.
Часовите по пилатес се повеќе стручни отколку часовите по јога и вежбите редовно се практикуваат со целосна дисциплина за да се постигнат добри резултати. Исто така, може да се употребува и различна опрема, доколку смета инструкторот дека тоа е потребно. Од друга страна пак, часовите по јога се прават во зависност од инструкторот, кој може да вметне и медитација, што не е случај и со пилатесот.
И сега што е подобро?
Ако барате нешто за да го зајакне вашето тело, особено грбот и рбетниот столб или да заздравите по некоја повреда, тогаш изберете го пилатесот. Но, ако сакате да станете пофлексибилни, да достигнете рамнотежа на мозокот, телото и духот, или пак да го намалете стресот со кој се соочувате, тогаш јогата е подобар избор.