Брезата е навистина лековита билка. Од нејзините листови или пупки се подготвува чај. Чајот, кој обично се прави со прелевање на билката со врела вода, е диуретик, кој помага при болести поврзани со системот за уринирање, реума, а многу добар е и при елиминирање на целулитот.
Исто така, чајот се користи за ублажување на кашлицата, настинката, грипот, бронхитисот, воспаление на белите дробови, болни синуси, намалување на температурата и ублажување на главоболката. Може да помогне при подобро варење на храната, урамнотежување на крвниот притисок, маснотии и шеќери во крвта, како и за подобра работа на црниот дроб и жолчката.
Брезата е речиси универзален природен лек, затоа што содржи здрави состојки како што се танин, етерични масла, органски киселини, витамин С и калциум.
Свежиот сок од бреза, кој се добива директно од дрвото, одамна се користи за прочистување и зајакнување на организмот. Сокот е познат како природен лек против жолтица и болести на бубрезите. Истиот, може да се најде во продавниците за здрава храна.
Може да подготвите и лековита купка, која помага кај разни кожни проблеми. Козметиката од бреза исто така е многу добра за користење, затоа што го изедначуваат тенот, ја зацврстуваат косата и го отстрануваат првутот.
Доколку пак користите купки или пилинг од бреза, тогаш тоа ќе ви биде одличен препарат, кој ќе ви помогне да се решите од целулитот.
За крај, ако сакате за само неколку минути да се наполните со позитивна енергија, земете листови бреза во рака и тријте ги 15-на минути. Верувајте дека веднаш ќе се почувствувате подобро!