Оревите најчесто се користат за правење на торти и слатки, но мошне се здрави, па некои ги јадат како грицки. Зошто ги избираат оревите?
Содржат омега 3 и други здрави масти
Верувале или не, оревите имаат највисоко ниво на омега 3 масти од сите јаткасти плодови. Овие масни киселини овозможуваат придобивки за мозокот и срцето додека го лекуваат воспалението низ телото.
Многу се хранливи
Оревите содржат многу хранливи материи кои се есенцијални за основното здравје. Со 30гр ореви ќе внесете 4гр протеини и 2гр влакна, односно хранливи состојки кои го зголемуваат чувството на ситост. Исто така, одличен извор се на магнезиум и фосфор кои ја подобруваат мускулната функција и јачината на коските.
Ве прави остроумни
Научните истражувања покажале дека оревите играат голема улога при одржување на здравјето на мозокот. Исхраната која е составена од 6% ореви ги подобрува когнитивните функции, како и го намалува напредокот на Алцхајмеровата болест.
Ја намалуваат тежината
Консумирањето ореви нема да предизвика зголемување на тежината, туку ќе ви го намали салото од стомакот, доколку ги консумирате според пропишани правила.
Здрави се за срцето
Исто така, овие јаткасти плодови го намалуваат ризикот од срцеви болести, но и даваат многу придобивки за здравјето на срцето:
- Намалување на холестеролот
- Нормализирање на крвниот притисок
- Намалување на воспалението
- Подобрување на функцијата на крвните садови
Добри се за коските
При едно истражување се открило дека омега-3 маслата во оревите ги зацврстуваат коските дури за 6 неделна исхрана во која се вметнати токму овие јаткасти плодови.
Вкусни се
Многу пропуштате ако ги јадете само во торти. Може да ги консумирате како закуски, во супи и во десерти. Потрудете се да најдете неколку рецепти со ореви.
Совет плус:
Чувајте ги во фрижидер со цел да траат подолго, а доколку чувате во поголеми количини слободно ставете ги во ладилникот.