Дефинирањето на мускулната маса може да ви ги даде телото кое што отсекогаш сте го посакувале, но истовремено да го забрза предвременото губење на косата.
-Протеинските шејкови мошне често содржат хормони на раст како што се креатинот и DHEA, кои не само што ја зголемуваат мускулната маса, туку и нивото на тестостерон во крвта. Сепак, до ќелавост ќе дојде само ако мажот веќе има предиспозиција за тоа. Важно е да се разликуваат причината и последицата. Протеинските пијалаци не предизвикуваат губење на косата, но го забрзуваат процесот кај мажите кои се предодредени за ќелавост, а такви се многу, објаснува Томи Зиога, доктор за трансплантација на коса.
Додатоците за исхрана кои ги користат билдерите со цел да ја зголемат мускулната маса, најчесто содржат креатин и DHEA. Тие ја поттикнуваат концентрацијата на тестостерон и DHT-a (прилагодена верзија на тестостерон), а тоа пак води кон уништување на фоликулите на влакната и ќелавост. Доаѓа до блокирање на апсорпцијата на есенцијалните нутритиенти кои го хранат влакното, по што фоликулата изумира.