Надуеноста на стомакот е една од најчестите појави кои ги мачат луѓето. Причините за надуеноста се најразлични, од премала физичка активност, до консумација на намирници и зачини кои задржуваат вода во телото и го забавуваат варењето.
Дали знаевте дека постои витамин што може да ви помогне да го решите овој проблем?
Станува збор за B витаминот или поточно за витамините од оваа група односно B комплексот.
Витамин B6
Ако вашето тело има тенденција да задржува вода, па наутро или навечер се будите отечени, витаминот B6 ќе ви помогне затоа што ја разградува водата во организмот. Истражувањата покажуваат дека дури 90 проценти од луѓето кои се во поодминати години од својот живот имаат недостаток од овој витамин поради модерниот начин на живот и лошата исхрана. Освен тоа што помага во подобрување на имунитетот, овој витамин им е потребен на трудниците и на луѓето кои имаат срцеви проблеми.
Извори на B6 – живина, риба, житарици, спанаќ
Витамин B1
Овој витамин е познат под името тиамин и е неопходен за разградување на јаглехидратите и храната што ја внесуваме во организмот. Освен што може да ја подобри работата на срцето и добро влијае на нервите, тиаминот ќе го подобри и забрза варењето и ќе ви помогне да се ослободите од гасовите кои создаваат надуеност. Освен тоа ќе го регулирате и чувството на глад.
Извори на B1 – меласа, зелен зеленчук, пивски квасец, зрнеста храна
Витамин B12
Недостатокот од овој витамин во организмот е поврзан со воспалителни процеси во делот на стомакот. Овие воспаленија можат да ја пореметат рамнотежата на добрите бактерии во тенкото црево и да предизвикаат проблеми со варењето и создавање гасови.
Извори на B12 – морска храна, сирење, јајца, туршија, говедско месо