Иако диетата го носи називот војничка, нема никаква поврзаност со исхрана на војниците и е една од ретките диети кои не се извадени од некоја книга или производи за слабеење. Диетата ветува намалување од 4-5кг неделно и внесување на комбинација од намирници кои го поттикнуваат слабеењето.
Диетата е поделена на две фази: 3 последователни денови во неделата се внесуваат 1000-1400 калории дневно и тоа преку 3 главни оброци (меѓуоброците се забранети), а преостанатите 4 денови не се толку рестриктивни, но сепак енергетското внесување е ограничено на 1500 калории дневно. Неделниот циклус се повторува додека не се постигнат посакуваните резултати. Комбинацијата на намирници кои во склоп на диетата ги топат масните наслаги и го поттикнуваат слабеењето е внесување на оброци кои се состојат од зеленчук и протеини со висока вредност, како и мали количини на јаглехидрати. Диетата го поттикнува внесувањето на „здравите масти“ од маслиново и кокосово масло, но и авокадо, јајца и ореви.
Исто така, пожелно е да се зголеми внесувањето на намирници богати со витамин С, како што е цитрусот, калциум од млечните производи, бидејќи имаат поволно влијание на масните наслаги. Храната се подготвува преку готвење или припрема на пареа ако се работи за зеленчук или печење на скара ако се работи за месо. Предност имаат протеинските производи, а внесувањето на јаглехидрати е пожелно да се ограничи. Кафето и чаевите се дозволени, но не смее да им се додава млеко или шеќер. Алкохолот е забранет првите три денови, а последните четири дена дозволен е во ограничени количини. Диетата поттикнува и секојдневно одење 30 минути, а ако организмот може тоа да го поднеси, пожелна е и интензивна телесна активност.
Оваа диета може да даде брзи резултати ако мора во многу краток рок да ја облечете омилената тоалета.
Пример мени за еден ден
Појадок:
Препечено парче леб со путер од кикирики (2 лажички)
Грејпфрут
Шолја кафе или чај
Ручек:
1 препечено парче леб
½ шолја туна од конзерва
Шолја кафе или чај
Вечера:
80гр месо на скара и 1 шолја варен грав
Мала јаболка
Пола банана
Шолја сладолед од ванила