Кога се одлучуваме да вежбаме, најчесто сакаме побрзо да ги зацврстиме нашите мускули, го вежбаме прво горен дел, па долниот дел на телото. Кога го вежбаме долниот дел, осносно нозете и задникот, рацете ги занемаруваме. Но, тоа веќе не мора да биде така. Благодарение на советите на фитнес инструкторката Алиса Босо сега може додека го вежбаме долниот дел на телото, да ги вежбаме и рацете. Се што ви треба се два тега од 3-5кг.
Чучеви + вежбање трицепс
Застанете во позиција на правење чучеви. Исправете ги градите и грбот (како што е прикажано), а со теговите затегнувајте ги рацете наназад во серија 3х10.
Чучеви + вежбање раце
Правете чучеви, при што со теговите ќе ги кревате рацете високо над глава. И оваа техника повторете ја 3х10.
Чучеви + вежбање бицепс
Правете чучеви, но овој пат наместо да ги кревате рацете нагоре, пуштете ги надолу до стапалата и при тоа кренете ги до висина на градите.
Чучеви + вежбање рамо
Слична вежба како и претходната само што овој пат рацете ги кревате целосно во висина на рамото (како што е прикажано).
Чучеви + вежбање рамо и грбни мускули
Застанете во позиција на правење чучеви и симнувајте се сосема малку, при што ќе ги придвижувате рацете како што е прикажано (затегнувајте ги грбните мускули).
Чучеви + вежбање рамо и грбни мускули
При правење на чучеви, кога ќе се исправете кренете ги двете раце над глава, но овој пат во форма на буквата Y. Со ова ќе ги зацврстувате и рамената и мускулите на грбот.
Совет: Доколку сакате да вежбате во домашни услови, а немате тегови, вежбајте со шишиња полни вода.