200 дена не се напил капка алкохол – разликата ќе ве замисли

Корисник на мрежата Imgur кој е потпишан како Meatteo се пофали со огромен напредок, во кој цели 200 денови не пробал ни капка алкохол, што му помогнало да изгуби голем број на килограми. Сепак, тој не напишал колку количини на алкохол пиел пред да се одлучи на овој чекор или дали имал проблеми поради алкохолот, но сигурно е дека навистина е многу среќен поради овие придобивки.

- Трезен сум околу 200 дена. Изгубив толку многу килограми што сопругата се сомнева дека нешто не е во ред со моето здравје. Но, не е само работата во пивото. Проблемот е и во храната која ја внесувате во себе поради алкохолот и гладот кој го чувствувате, напишал корисникот.

Токму и еден доктор од Лос Анџелес неодамна потврдил дека навистина добра работа е апстиненцијата од алкохол.

- Правењето пауза од алкохол е добра работа, дури и ако одлучите на тоа да се придржувате само неколку недели, а особено ако вообичаено дневно пиете повеќе од две пијачки, изјави д-р Дејмон Раскин.

Имено, алкохолот ја зголемува вкупната количина на калориско внесување без тоа да го забележите. Една маргарита содржи околу 300 калории, а пина коладата 100 калории повеќе. Едно истражување покажало дека мажите внесуваат 433 калории повеќе оние денови кога консумираат умерена количина на алкохол.