Редовната телесна активност, го намалува ризикот од 13 видови на рак, велат американските научници од Националниот институт за рак. Тие оценија дека 51% од возрасните во Америка и 31% во светот не се занимаваат со телесна активност во онаа мера во која би требало, со цел да останат во добро здравје.
- Потребно е луѓето да пешачат, трчат, пливаат или да возат велосипед во умерено или силно темпо, 150 минути неделно, советуваат тие.
Уште порано беше потврдено дека телесната активност ја намалува опасноста од рак на дебелото црево и дојките, но за други видови на рак, резултатите не биле доволно прецизни поради малиот број на учесници во студијата.
Ова истражување е спроведено на над 1.44 милиони личности меѓу 19 и 98 години во САД и во Европа. Учесниците се следени просечно 11 години, за време за кое се забележани 187.000 нови случаи на рак.