Сите посакуваме да изгледаме совршено за летото и за оној момент кога ќе го облечеме омилениот костим за капење и ќе излеземе на плажа. Сепак, вишокот на килограми си го прави своето, па освен тоа што не изгледаме како што посакуваме имаме и намалена самодоверба.
Доколку сакате по кратка постапка да се доведете до витка линија тогаш треба да внимавате на следните 2 нешта:
Инсулин –хормон што помага во регулирањето на нивото на шеќер во крв и го намалува така што ги стимулира клетките да го апсорбираат вишокот. Проблемот со инсулинот е во тоа што ги поттикнува масните клетки да го преземаат вишокот на масна киселина од крвта. Често јадеме оброци кои имаат висок гликемиски индекс по што мастите од оброкот се таложат на задникот, бутините и половината.
Јаглехидрати – тие се причината за зголемено количество на шеќер во крвта ако се апсорбираат пребрзо. Храната што го зголемува нивото на глукоза треба строго да се избегнува.
Како треба да се исхранувате?
1.Најпрвин намирниците поделете ги на црвени, жолти и зелени.
Црвени - овие намирници треба најмалку да ги консумирате, а тоа се леб, сувомеснати производи и полномасни млечни производи.
Жолти – ова се намирници кои треба да се консумираат умерено како немасни сирења, банани, грав и пченка.
Зелени – намирници кои треба се најдат во секој оброк: пилешко, јајца, риба, немасно млеко, јогурт, јаболка, портокали, житарици и листест зеленчук.
2. Порциите треба да бидат умерени – месото и рибата не треба да преминуваат количество поголемо од 100 грама, тестенините 40 грама и ориз 50 грама. Оброкот треба да биде половина зеленчук, а четвртина протеини или житарици.
3. Препорачлив е секаков зеленчук – добро е да јадете спанаќ, блитва, тиквички...Исто така се препорачува и овошје сè додека немаат висок гликемиски индекс.
4. Риба и бело месо без кожа – се богати со протеини, а сиромашни со масти. Во оброците може да вклучите и леќа зошто е богата со влакна.