Со три вежби до силни стомачни мускули

Гимнастичарките може да се пофалат со витка фигура на која повеќето им завидуваме. Но, зад нивниот елегантен изглед се кријат часови и часови вежбање. Иако некои вежби се тешки, оние за стомачни мускули се лесни и можеме и сами да ги правиме.

Вежба бр.1:

• Легнете на стомак и навалете се на подлактиците.
• Подигнете го телото во позиција на склекови, но се уште да сте навалени на лактовите.
• Подигнете го задникот така што телото малку да е свиткано.
• Подигнете ја левата нога и коленото носете го кон лакот, а потоа повторете ја постапката со десната нога.
• Вежбата повторете ја од 7 до 12 пати со секоја нога во три серии.

Вежба бр.2:

• Легнете на грб.
• Рацете подигнете ги рамно над глава и спојте ги дланките.
• Истовремено подигнете ги рамената и нозете до висина која може да ја издржите, додека рацете ви останат испружени покрај глава.
• Долниот дел на грбот треба да ви биде рамен и навален.
• Задржете се во оваа положба 10 секунди и вратете се во почетната.
• Повторете ја вежбата од 7 до 10 пати.

Вежба бр.3

• Легнете на грб, подигнете го трупот и потпрете се на подлактиците.
• Подигнете ги нозете колку за да ги одвоите од подот и една по една натколеница наизменично подигајте ја нагоре, слично како да возите велосипед.
• Вежбата направете ја од 7 до 12 пати со секоја нога по три серии.
• Ако не сте почетник наместо да се навалувате на надлактиците, тогаш рацете ставете ги на главата , подигнете го трупот да биде во 45 степени и на тој начин правете ја вежбата.

Погледнете ги сите вежби во следното видео: