Многу жени дури и во теретана носат шминка. Оние кои злонамерно ги подигнуваат веѓите гледајќи ги нашминканите жени во теретана, всушност се навистина во право. Со целиот напор што го правиме и потта која ја лачиме, дали нашето лице е подготвено за шминка?
Замислете додека трчате на главата да сте ставиле капа за туширање, а потоа крпа, а врз крпата уште една капа. Главата веднаш ќе стане жешка и ќе се зголеми секрецијата на скалпот. Со таква „капа во повеќе слоја“ веднаш би се замориле, а истото чувство го има и кожата која е нашминкана додека вежбате.
За време на вежбањето, срцето работи активно, метаболизмот и циркулацијата се подобрени, додека кожата како орган за излачување помага да ги отфрлате штетните работи од телото. Освен тоа, телото се ослободува од вода и сол и ја зголемува температурата. При стимулација, порите се отворени, но ако носите шминка брзо ќе се затворат и ќе се спречи отфрлањето на токсините. Затворањето на порите може да предизвика акни, иритација на кожата и да доведат до бројни воспаленија.
Подготовка на лицето за спортска активност
За спортување, потребно е да ја подготвите и вашата кожа, исто како и пред спиење. Прво темелно исчистете ја од шминка, дури и ако само трчате, добро измијте ја со пена или со гел за лице. Второ, треба да ја хидрирате. За време на вежбањето зголемено е губењето на влага од површината на епидермисот и се создава чувство на затегнатост и неугодност. Ако спортската активност се одвива на отворено, тогаш е пожелно да користите крем со заштитен фактор.
По тренирање
Логичен заклучок по тренинг или трчање е одење под туш. Понекогаш имаме чувство дека туширањето откако сме вежбале јога не ни е потребно, но и при таа активност лојните жлезди активно работеле па многу е важно барем да го измиете лицето со средство за чистење. По пливање во базен, измијте ја кожата од хлорот и интензивно хидратирајте ја, особено ако имате сува кожа.
Совет плус: Наместо дезодоранс изберете антиперспирант. Антиперсирантот не им допушта на бактериите да се множат, па нема да има ни непријатни мириси, додека пак дезодорансот се состои од органски соли на цинк и алуминиум кои ги блокираат потните жлезди со што нема да се потите правилно.