Децата секојдневно си играат со пластични играчки, кои исто така ги делат и со своите браќа или сестри, но и со останатите другарчиња. Често знаат да ги фрлат на земја, да ги згазнат со патика, па да ги стават во уста и едноставно не се доволно зрели за да внимаваат повеќе. Токму поради тоа, мора често да ги чистите играчките, особено поради фактот дека вирусите на играчките живеат и до 24 часа, а некои бактерии и повеќе од една недела.
Научниците од американскиот универзитет Џорџија Стејт, успеале да оживеат вирус од пластична играчка на влажност од 60%. Кога влажноста во просторијата била 40%, вирусот бил активен и по 10 часа.
- Луѓето не размислуваат како може да се заразат преку предмети. Децата особено се чувствителни на зараза од инфективни болести бидејќи се ставаат во уста, а нивниот имунитет не е целосно развиен, објаснува научникот Ричард Беарден.
Како најдобро да ги исчистите играчките?
- Лего коцките оставете ги еден час во врела вода со течност за миење садови и измијте ги со топла вода
- Во играчките за бањање се собира мувла, па добро е да ги потопите во мешавина од врела вода и оцет
- Плишаните играчки се полни со прашина, па барем еднаш месечно треба да ги исперете во машина за перење
- Книгите и сликовниците може да ги пребришете со антибактериски шамивчиња
- Играчките кои бебињата ги гризат кога им растат заби, треба да ги миете со течност за миење садови. Може да ги потопете 10 минути во мешавина од оцет и вода, а потоа добро да ги измиете. Во најрана доба, многу е важно играчките кои што ги купувате да бидат лесни за одржување, бидејќи мора често да ги перете.