Ако ја следите Летната олимпијада во Рио, тогаш сте ги забележале црвените кругови на грбот на дел од спортистите. Тие не се ништо друго туку производ на Cupping.
Контроверзна терапија која потекнува од античка Кина. Форма на алтернативна медицина која наводно помага при справувањето со физичката болка кај личноста, помага при заздравувањето на мускулното ткиво, го стимулира протокот на крв низ телото, го намалува отокот, но самата ефикасност не е докажана.
Оваа терапија во модерната западна медицина се смета за дел од псевдо-медицината и не се смета за релевантна форма на терапија од страна на медицинските лица. во ниту едно од истражувањата, не е докажано дека има ефект по нејзиното практицирање.
Постојат два различни видови на нанесување на Cupping терапијата: суво и мокро нанесување на стаклените чашки на телото на личноста која ја прима оваа терапија. Сувата варијанта не употребува никаков вид на топлина (кој пак потоа предизвикува кондензација). Тој (сувиот вид) употребува само вакуум при нанесувањето. По самата терапија личностите кои ја применувале имаат црвени кругови на телото, за кои е потребно околу 1 недела да избледат.
Години пред да стане тренд кај спортистите на ЛОИ во Рио, славните ѕвезди како Гвинет Палтроу и Анџелина Џоли ја употребуваа оваа терапија, но денес таа не се смета за релевантна техника за „лекување“ без разлика дали ја употребуваат елитните спортисти или холивудските ѕвезди. Таа од страна на медицинските лица се смета екстремно контроверзна и скапа масажа.