Кожата на лицето покажува што му смета на вашето тело- шеќер, вино, млеко или глутен.
Лошата исхрана и нездравите навики се одразуваат врз неа, па кога ќе забележите дека изгледот на лицето ви се сменил во негативна насока, тогаш бидете сигурни дека вашата исхрана има голем удел во тоа.
Винско лице – типични симптоми се нагласени брчки помеѓу веѓите, црвенило околу очите, спуштени капаци, проширени пори, дехидрирана кожа што се перути околу образите, црвенило на образите длабоко нагласени линии под носот. Причината е претерана консумација на алкохол. Истиот ја дехидрира кожата и го влошува нејзиниот изглед, додека шеќерот во алкохолот го уништува колагенот.
Глутенско лице – симптомите за ова лице се отечени и црвени образи, акни кои се јавуваат на долниот дел од лицето, како и пигментациски дамки околу брадата. Се претпоставува дека 10 проценти од луѓето се чувствителни на глутен, а најчеста последица е „отеченото лице“ кое настанува како последица на воспаление предизвикано од алергиската реакција на глутенот.
Млечно лице – ова лице се одликува со отечени капаци како и темни подочници. Често се јавуваат и ситни бели мозолчиња околу брадата. Ваквиот изглед сугерира на тоа дека организмот не толерира лактоза. Причината за тоа може да биде фактот што во млекото и млечните производи може да се најдат различни хормони.
Шеќерно лице – личноста чувствителна на шеќер има нагласени линии и брчки по лицето, отеченост под очите како и мошне сува кожа. Често се појавуваат поткожни акни на било кој дел од лицето. Шеќерот го активира процесот во кој молекулите на глукозата се врзуваат со колагенот, по што тој станува крут, а кожата ја губи еластичноста.