Грижата за вашето здравје не бара големи радикални промени во животниот стил, скапи третмани и ригорозни режими или диети.
Понекогаш сè што е потребно да направите се мали и навидум незначајни потези кои ќе имаат полезен ефект за вашето тело.
Ова се само неколку едноставни чекори за да го подобрите вашето здравје.
Гответе си ги сами оброците
Ако не сте во можност сите три главни оброци сами да ги подготвите со состојки кои вие сте ги купиле и кои вие ги контролирате, почнете со само еден оброк во денот. Подоцна кога ќе добиете на вештина и самодоверба преминете на два па на три оброци во денот. Со подготвувањето на оброците, не само што ќе си ја подобрите состојбата на вашето банковно салдо (готовите јадења и брзата храна се скапи), туку и вашето тело ќе ви се заблагодари.
Јадете на маса
Не на каучот, не пред телевизорот и не јадете стоејќи. Седнете на маса и по можност со семејството или пријателите споделете го јадењето. Така повеќе ќе уживате во самата храна, а и нема да бидете во искушение да се прејадувате и да внесувате огромен број на калории. Доколку не сте во можност да јадете со друштво, обидете се да уживате во оброкот во тишина, без да брзате никаде.
Јадете полека
Ова се надоврзува на претходната ставка. Јадењето брзо не е полесно за вашето варење, а исто така и за вашиот организам на долги патеки. Уживајте во секој залак и добро џвакајте го. Не брзајте побрзо да завршите со јадењето, останете на трпезата и подолго ако е потребно.
Секоја недела внесувајте „новитет“ во исхраната
Предизвикувајте се самите себе си. Ако претходно не сте пробале некое овошје, зеленчук, месо или зачин, најдете начин како полека да ги инкорпорирате во оброците. Ако не ги засакате тоа е во ред, но монотонијата во исхраната не е добра за вашиот организам. Не се плашете да пробате нешто ново. Дури и ако не сте ги сакале брокулите како дете, најдете начин како да ги засакате со нивното „криење“ во вашето омилено јадење.