Тагата кај луѓето е предизвикана од повеќе причини. Смрт на блиска личност, финансиски проблеми, развод или пак болест.
Таа е универзална, присутна во секој дел од планетата и изолирачка по својата природа од околината. Па, знаејќи ги овие нешта, кои се 4-те нешта кои луѓето кои што тагуваат сакаат да ги знаете?
1. Тагата не е само една емоција. Таа е збир од повеќе емоции
Луѓето кои тагуваат по нешто или некого во исто време не чувствуваат само тага. По веројатно е дека покрај тагата искусуваат и цел спектар на емоции кои само ја нагласуваат тагата. Загриженост, страв, неспокој, тешкотија, гнев, срам...
На пример, по смртен случај на блиска личност, дури и олеснување. Олеснувањето настанува кратко по заминувањето на саканата личност, но тоа е подоцна проследено со депресија и со тест дали човекот ќе може да се адаптира на ново настанатата ситуација. Да се живее нормален и продуктивен живот без личноста која што ја загубиле.
2. Луѓето тагуваат на различен начин. И тоа е ОК
Тагувањето е „лично патување“. И додека некој во тој процес сака да биде опкружен со пријатели и роднини, друга личност можеби ќе се изолира и ќе тагува сама. Нема правилен или погрешен начин и не треба да ги осудуваме луѓето без разлика кој начин ќе го одберат. Но, ако забележите дека блиската личност посегнува по дрога, алкохол и други пороци, како начин на справување со тагата, обрнете му внимание.
3. Кога тагата е пролонгирана на подол период, тоа се нарекува „комплицирана тага“
Во најголемиот број од случаите, тагата исчезнува без потреба од психијатриска интервенција, но „комплицираната тага“ е поинаков вид на тагување и е потребно да се третира од професионалци.
Симптомите на овој вид тага не се како вообичаените симптоми кои ги искусуваме при трагични настани. Според истражувањата дури 15 % од луѓето искусуваат ваков тип тага. Тоа што можете да го направите за да им помогнете на луѓето со „комплицирана тага“ е да ги поврзете со добар психијатар кој ќе знае како да му пристапи на проблемот.
4. Понекогаш тагата не може да се надмине. Понекогаш таа е чувство со кое луѓето ќе научат да живеат
Понекогаш тагата и сите останати последователни чувства не исчезнуваат засекогаш. Понекогаш дури само сеќавањето или фотографијата од саканата личност е тригер за појава на тагата, и тие тригери ќе се појавуваат до крајот на животот. Па, затоа најдобро е да научите како да живеете прогресивен живот со нив.