Колку пати досега сте слушнале дека нешто е лошо за вашето тело и сте ја прифатиле гласината, без притоа да ја потврдите со научни факти?
Како и лошите навики, така и медицинските митови, се нешто што лесно го прифаќаме и тешко го отфрламе. Зар не е време да престанете да се грижите и конечно да се соочите со фактите?
Медицински мит: Лошо е да се јаде риба за време на бременоста
Точно е дека постојат определени типови храна кои не се препорачливи да се јадат во текот на бременоста, но тоа не е случај и со рибата. Една неодамнешна студија објавена во American Journal of Epidemiology покажува дека јадењето три порции риба во текот на една недела го зголемува коефициентот на интелигенција на детето. Точно е дека треба да избегнувате риба, но само типови кои содржат високо количество на жива, како сабјарка, ајкула, скуша...
Медицински мит: Градниците со жици предизвикуваат рак
Некои луѓе тврдат дека жицата која се наоѓа под градите врши компресија на лимфниот систем на дојките, при што се концентрираат токсини. Сепак, резултатите од истражувањата се и повеќе од јасни, дека ниту градникот, ниту временскиот период колку што се носи, немаат поврзаност со ракот на дојките.
Медицински мит: Пукањето на прстите води кон артритис
Вистината е дека ако оваа навика не ви предизвикува болка, сè e во ред. Истражувањата покажуваат дека луѓето кои ги пукаат прстите имаат ист ризик од артритис како и оние кои не го прават тоа.
Медицински мит: Јадењето соја создава проблеми со плодноста
Експериментите направени врз животни покажуваат дека консумацијата на соја може да влијае врз плодноста поради фитоестрогените кои ги содржи, но не постојат цврсти докази дека ова важи и за луѓето. Освен тоа некои истражувања покажуваат дека жените кои консумираат протеини од соја и растенија имаат помалку проблеми со овулацијата.