Редовното спортување и вежбање воопшто не е тешко како што мислите на почеток.
Тешко е да се донесе одлука и да се влезе во теретана, фитнес сала или пак да се излезе на трчање, но откако ќе ја поминете првата недела на редовни тренинзи, веднаш ќе се почувствувате многу подобро.
Зошто е тоа така? Што му прави вежбањето на нашето тело и организам што ние се чувствуваме толку добро?
За време на вежбањето:
- Метаболизмот работи забрзано
- Подобрен е крвотокот
- Нивото на кислород се зголемува од 8 литри (за време на одмарање) до 100 литри во минута
- Подобрениот крвоток им овозможува на клетките да примаат повеќе кислород и хранливи материи од крвта
По тренингот:
- Телото почнува да ги прима протеините и јаглехидратите четири пати побрзо, што значи дека побрзо се намалува телесната тежина
- Мозокот почнува да ослободува повеќе ендорфин со што се подобрува расположението
Неколку часови по вежбањето:
- Имате поголема самодоверба и се зголемува самопочитта
- Се нормализира крвниот притисок
- Спиете подобро и квалитетот на сонот е подобар
По неколку недели редовно тренирање:
- Работата на белите дробови се подобрува
- Срцето и крвните садови работат подобро
- Се подобрува нивото на хемоглобин во крвта, односно бројот на црвени крвни клетки по кубен милиметар во крвта се зголемува од 5 милиони на 6 милиони
- Имунолошкиот систем е појак, со тоа што нивото на лимфоцити во крвта се зголемува
- Телото го регулира нивото на шеќер и други супстанци во крвта
- Телото апсорбира помалку масти
По неколку месеци редовно вежбање:
- Не реагирате толку стресно и помали се шансите да подлегнете на депресија и на чести промени во расположението
- Кислородот се префрла во мускулите подобро
- Подобрената координација во движењата ви помага да се зацврсти нервниот систем. Брзината на нервниот импулс е забрзана, со што се подобрува и мозочната активност и донесуваме одлуки многу побрзо
- Се зајакнува мускулно-скелетниот систем на телото, што значи дека имаме појаки мускули и посилни коски
По неколку години редовен тренинг:
- Се чувствувате и изгледате помладо