Ви излезе мозолче во пределот на носот или над усните? Наместо да го стискате и да ја комплицирате ситуацијата, изберете поинаков пристап.
Лекарите предупредуваат дека стискањето на мозолчињата кои се лоцирани во таканаречениот „опасен триаголник“ може да предизвика сериозни компликации на вашето здравје.
Пределот од средината на челото, носот до аглите на усните содржи крвни садови кои одат до тилот и претставуваат директна линија до вашиот мозок. Поедноставно објаснето, секоја инфекција која се јавува во овој дел од лицето лесно може да дојде директно до нервните центри. Иако се случува мошне ретко, во праксата се забележани случаи на губење на видот, парализа, па дури и смрт.
Затоа заменете го стискањето со природен третман.
Паста за заби - Нанесете паста за заби на мозолчето и оставете ја на лицето преку ноќ. На овој начин мозолчето ќе се исуши и притоа нема да остане лузна.
Зелен чај – земете кесичка со зелен чај и потопете ја во вода. Потоа ставете ја врз мозолчето и оставете да дејствува 20-тина минути. На крајот само премијте се со млака вода.
Сода бикарбона – во мало количество сода бикарбона додадете вода со цел да добиете паста. Нанесете ја на мозолчето и оставате да делува половина час.