Секојдневно се изложуваме на големи нервози и стрес кој нè заморува психички. Кога сме изложени на стрес, потешко работиме, не размислуваме добро и цели денови ни се уништени.
Токму затоа психологот Џим Стоун открива едноставна процедура за ослободување од психичкиот замор, која ќе ни одземе само 10 минути од нашето време. Пробајте да ја направите според следните чекори:
1. На лист хартија запишете за што размислувате моментално. Нека распоредот на вашите грижи биде напишан според значењето и интензитетот на емоциите кои се предизвикани.
2. На друг лист хартија направете табела со три колони за активна загриженост, проблеми од втор ред и безначајни работи. Потрудете се вашите грижи да ги ставите во овие три колони.
3. Занемарете го се она што сте го ставиле во колоната безначајни работи. Многу веројатно дека работите во тие колони ќе ги сметате за грижи.
4. Направете листа на приоритети од колоните проблем од втор ред. Овие проблеми полесно е да се решат, па затоа први доаѓаат за решавање. Подредете ги по тоа колку ви значат.
5. Фокусирајте се на проблемите од колоната активна загриженост. Пристапете им по важноста. Тоа е прв предуслов за решавање на крупните проблеми, кои најмногу ве загрижуваат.
- Овој „алгоритам“ ми го спаси животот пред десет години. Бев растроен во периодот кога ја спремав магистерската теза, ме вознемируваше социјалната состојба, обврските околу децата, плус работата. Невозможно е да функционирам со толкаво количество на грижа, изјавил психологот, кој сега ја пренесува оваа техника на своите пациенти. Тој не крие дека се уште ја применува, кога се чувствува дека има премногу напор и стрес.