Фитнес ѕвездата Емили Скај неодамна на својот Инстаграм профил постави фотографија која најдобро го отсликува нејзиниот совет, а тоа е дека да бидете што послаби не значи дека ќе бидете и поздрави, но и посреќни.
Дваесет и девет годишната Емили со своите фанови ја подели фотографијата сликата во 2008-ма, кога тежела 47 килограми, споредена со фотографија од неа сега, кога тежи 60 килограми.
Во постот таа објаснува дека првата фотографија е сликана пред воопшто да почне да тренира за сила, кога вежбала само кардио вежби и била опседната да е што послаба. Тој период постојано се изгладнувала, била сериозно нездрава и несреќна, а боледувала и од депресија.
Од тогаш, преку фокусирање на дигање тегови и правење на високо интензивни вежби со краток интервал (HIIT), таа нафрлила 13 килограми и е поздрава и посреќна од кога и да е. Таа вели дека сега не прави долги кардио сесии, јаде повеќе отколку што било кога во животот јадела, и повеќе не се опседнува со нејзиниот изглед, туку тренира и јаде за да се чувстува најдобро што може.
Емили ужива во имањето мускули и чувството на самодоверба, и на своите фанови им порачува да го следат нејзиниот пример и да вежбаат и се хранат здраво не за да ослабат, туку за да се што поздрави и да се чувствуваат убаво, и физички и психички.
Таа исто им се обраќа на жените да не се плашат од дигање тегови, бидејќи тие нема ги направат „мускулести изроди“, како што многумина (и мажи и жени), за жал, сметаат. Како доказ за тоа таа постирала фотографија од нејзин „ѕверски“ тренинг (каде мускулите и се исклучително изразени поради напорот), споредена со фотографија од неа во нормална облека и опкружување, на која можат да се забележат фантастичните резултати од таквиот тип на тренинзи.