Многумина од нас се соочуваат со стрес за време на празниците поради сите подароци, гужви и разни собири. Со цел се да помине во најдобар ред, потрудете се да го победите стресот со мошне ефикасни решенија:
Не прескокнувајте оброци
Прескокнувањето на оброци додека сте во шопинг, работите или се подготвувате за забава, значи дека ќе останете без енергија и нема да бидете во добро расположение. Ако немате време да седнете и да јадете, тогаш земете нешто што ќе ве засити, како на пример печена тиква или јаткасти плодови на секои два до три часа.
Пијте вода додека консумирате алкохол
Пијте многу вода преку денот, со цел да превенирате појава на дехидратација, која што е причина што многу луѓе се чувствуваат мамурни кога пијат многу алкохол или јадат тешка храна.
Земајте витамини В и С
Витаминот В и витаминот С се задолжителни ако пиете алкохол или сте изложени на стрес, со што ќе ви овозможат да се чувствувате подобро и да немате никакви последици.
Од време на време, одмарајте
Понекогаш одморете дома и разгалете се со топла бања, топол чај или омилениот филм. Наполнете се со енергија и подгответе се за утрешната забава.
Празници во ваши граници
Финансиските проблеми најмногу влијаат врз стресот и врската, па нема потреба да правите нешто кое што не можете да си го дозволите. Се нека биде во рокот на вашите граници.
Шетајте на свеж воздух
Дишењето на чист кислород е мошне важно за нашето секојдневие. Ако живеете во мошне загаден град, како што е Скопје, тогаш потрудете се еднаш неделно да се искачувате на планина и да дишете свеж воздух.