Спиењето е природна состојба, дел од биолошкиот ритам, кој циклички се менува преку стадиумот на будност. За време на спиењето, телото мирува, свеста одмара, потсвеста поправа и подготвува, а внатрешните органи работат со намален интензитет. Многу истражувања се покренале на оваа тема, а често научниците имаат слично мислење.
Тие утврдиле дека е најдобро да спиеме од 22 часот до 6 часот наутро за целосно да се одмориме и да го одржуваме оптималното здравје. Човечкото тело е предодредено да биде во состојба на одмор, поправување и детоксикација. Ако не спиеме како што треба и колку што ни е потребно, ќе патиме од различни болести и проблеми. На пример, ако сте будни до доцна во ноќта, поради работа, иако седите или лежите, телото не се одмара. Затоа мора да ги следите правилата за најдобар и најздрав одмор на телото.
Примери за добар одмор:
- 21:00-22:00 Телото ги елиминира токсичните хемикалии од имунолошкиот систем. Најдобро е цврсто да заспиете во овој период за телото правилно да ги изврши вегетативните функции.
- 22:00-01:00 Црниот дроб ги елиминира отровите и се регенерира.
- 00:00-04:00 Коскената срж создава крв
- 00:00-03:00 Жолчниот меур ги елиминира отровите и се обновува
- 03:00-05:00 Белите дробови ги елиминираат токсините и се обновуваат
- 05:00-07:00 Дебелото црево ги елиминира токсините и се обновува, а во тоа време потребно е и празнење
- 07:00-09:00 Витамините, минералите и хранливите состојки се впиваат во системот за варење и е вистинско време за појадок
Освен времето на спиење, мошне важна е и позицијата на спиење. Ако спиеме во некоја лоша состојба, тогаш телото повеќе ќе го измориме отколку што ќе го одмориме.
Зошто е толку важна положбата за време на спиење?
Нашето тело е функционална тежина со која се служиме за да го исполниме сето она што сме го замислиле. Сите наши мускули, коски, зглобови и органи ни го даваат телесниот облик, а се во внатрешноста на телото е поврзано. Кога сме во легната положба, нашето тело се прилагодува на подлогата, па се ротира, витка или станува напнато, а по подолго време може да почне и да не боли.
Подлогата на која редовно спиеме, треба да биде квалитетно рамна и погодна за секој дел на телото. Освен добра подлога, потребна ни е и перница, за делот кој не лежи на подлогата, односно вратот. Висината на перницата не смее да ја наруши физиолошката искривеност на вратните и грбните пршлени.