Стоматологот Том Биерман од САД, на своите заби го тестирал влијанието на Coca Cola и енергетските пијалаци. Прочитал за влијанието на седумте нови енергетски пијалаци врз алуминиумската лименка, односно како токму тие напитоци се мошне корозивни за лименките и токму тогаш се запрашал како би влијаеле врз нашите заби.
Решил да направи експеримент на сопствените умници, кои ги извадил пред 15 години. На едниот заб истурил Coca Cola, а на другиот енергетски пијалак. На останатите два умници истурил Coca Cola без шеќер и обична вода. По две недели ситуацијата била следна: забот со Coca Cola речиси бил црн, оној со диетален сок бил обоен, но немал никакви драматични промени. Забот потопен во енергетски пијалак добил розови делови, некои делови се обоиле во боја на рѓа, додека пак забниот камен почнал да се распаѓа.
- Изгледа дека бојата на рѓа се појавила на оние места на кои на почетокот забот бил жолтеникав, а што е најалармантно е што забниот камен на некои места отпадна. Инаку, забниот камен е заштитен слој на забот, а кога е оштетен, забот станува почувствителен на надворешните влијанија. Се појавуваат болки и се зголемува ризикот за расипување. Последиците на забот од енергетскиот пијалак се огромни, објасни стоматологот.
Тој додаде дека уште полошо е тоа што тестираниот енергетски пијалак бил без шеќер. Исто така, Том предупреди дека секојдневното консумирање на овие пијалаци долгорочно им штети на нашите заби.