И покрај она што може да се прочита на Интернет, готвењето на храната во микробранова печка не ги „убива“ хранливите состојки во неа, барем не сите и во секој вид храна. Всушност, одредени хранливи материи дури може да ги направи подостапни за вашето тело.
Истражувањата на оваа тема покажуваат дека кога во микробранова печка се готви зеленчук како брокула, спанаќ и слично, дел од Б витамините и некои други кои се раствораат во вода се губат.
Изгубената количина зависи од должината и силината со која што храната се готви. Обарување на брокула во микробранова печка 90 секунди не е исто што и нејзино изложување на овие бранови 5 минути. Во суштина, варење на било кој зеленчук ги уништува поголемиот дел од хранливи состојки во него, така да (со исклучок на компирите), избегнувајте го тоа.
Иако дел од витамините во некои случаи се губи, процесот на готвење може и да ослободи разни хранливи состојки како антиоксидансите, овозможувајќи нивна подобра апсорпција во телото.
Истражување од Универзитетот во Осло покажало дека варење со пареа или во микробранова печка на моркови, спанаќ, печурки, аспарагус, брокула, зелка, зелени и црвени пиперки или домати, води до зголемување на антиоксидансите во нив, а дополнителни истражувања велат дека ликопенот, моќен антиоксиданс кој ја дава црвената боја на доматите и лубениците, подобро се апсорбира во телото кога се консумира зготвен или во процесирани продукти од домати: салса, сос за шпагети, кечап и слично отколку преку свежи домати.
Доколку ја користите микробрановата печка за готвење на зеленчукот со пареа, внимавајте да не додадете количина на вода која ќе доведе до нејзино вриење и внимавајте да не ја преварите храната. На тој начин ќе се осигурате дека внесувате максимум витамини, минерали и антиоксиданси од неа.