Имаме одлични вести за интровертните луѓе (или сите оние кои преферираат да уживаат во добра книга наместо да поминуваат време со пријателите). Според едно ново британско истражување, поинтелигентните индивидуи имаат пониско задоволство при почеста социјализација со пријателите.
Истражувањето извршено од Британското психолошко општество, собрало податоци од 15.000 луѓе на возраст од 18 до 28 години, за нивните животни ситуации, социјализацијата и среќата.
Истражувањата откриле дека луѓето кои живеат во град се помалку среќни од оние кои живеат во рурална средина и кажале дека чувствуваат поголема сатисфакција, кога ги гледаат своите пријатели почесто. Ова е онаа теорија која психолозите ја нарекуваат „савана теорија на среќа“. Според нив она што допринело до ова мислење е дека доаѓаме од племиња кои сфаќале дека основата за среќен живот е квалитетно поминато време со нашите пријатели.
Па така „просечниот човек“ е среќен кога живее во помал град и често се дружи со своите пријатели. Сепак, ова не е случај и со интелигентните луѓе, бидејќи тие се посреќни кога поминуваат повеќе време насамо отколку со некој друг.
Научниците имаат поделени мислења за овој случај. Можеби најинтелигентните луѓе во општеството имаат потреба од повеќе простор за да бидат креативни и иновативни? И можеби времето кое што го трошат на социјализација всушност ги оддалечува од нивната среќа?
Очигледно е дека ова истражување покрева повеќе прашања отколку што дава одговори.