Др. Стив Фолкнер, истражувач од Универзитетот Лоубороу тврди дека топла, релаксирачка купка има слични здравствени придобивки како вежбањето и може да помогне при превенција на тип 2 дијабетес.
Тој објаснил дека од скоро науката почнала да открива како „пасивното загревање“ може да го подобри здравјето.
Др. Фолкнер и неговиот тим го истражувале ефектот кој топлата купка го има на контролата на шеќерот во крвта и на бројот на согорени калории. Студијата вклучувала 14 луѓе кои 1 час уживале во купка во вода со температура од 40°C , кои исто така поминувале и по час време возејќи велосипед. Двата теста биле дизајнирани да ја подигната температурата на телото за еден степен, за да тимот може да пресмета колку калории биле согорени во секоја сесија.
Иако оние кои возеле велосипед потрошиле повеќе калории, било откриено дека топлата купка согорувала ист број на калории колку и прошетка од половина час.
Шеќерот во крвта, пак, бил за 10% понизок кај партиципантите кои биле во купката, во споредба со оние кои вежбале.
Според Фолкнер, резултатите од студијата сугерираат дека повторувачкото пасивно загревање може да допринесе за редуцирање на хроничното воспаление, кое често пати е присутно долгорочните болести како што е тип 2 дијабетесот.