Секоја година, над 50 милиони луѓе само во САД се дијагностицирани со случаи на појава на акни – тоа е повеќе од целосната популација на Австралија или Канада.
Фактот што научниците сè уште не ја знаат точната причина за акните објаснува зошто уште немаме вистински лек за оваа состојба на кожата која многумина ја имаат.
Но, тоа наскоро може да се промени – се работи на создавање на вакцина против акни која би го сменила начинот на кој што пристапуваме кон негата на кожата.
Во лабораторија во Калифорнискиот Универзитет во Сан Диего, група научници работат на решението кое еднаш засекогаш ќе не ослободи од акните – меѓутоа тоа со себе носи уникатни компликации.
Акните делумно се предизвикани од P.acnes бактеријата која се наоѓа во нас во тек на целиот живот и за која не ни може да направи вакцина бидејќи, на некој начин, бактеријата е добра за луѓето. Но, научниците пронашле антитела на токсичниот протеин кој бактеријата го лачи на кожата и кој е поврзан со воспаленијата кои доведуваат до акни. Тоа значи дека вакцината би можела да го блокира негативниот ефект на P.acnes бактеријата, без да ја убива самата бактерија.
Во досегашните тестирања, таа функционирала на примероци кожа кои истражувачите ја имале земено од пациентите со акни, а наредниот чекор е нејзино тестирање на пациенти во клинички тестови. Првата фаза која би можела да трае една до 2 години треба наскоро да започне.