Како што старееме, се повеќе се зголемуваат здравствените проблеми. Поради тоа, стручњаците препорачуваат секоја година да правиме по еден систематски преглед или барем овие 4 лекарски анализи:
Крвен притисок
Високиот крвен притисок се нарекува „тивок убиец“ со причина. Не постојат никакви симптоми за овој здравствен проблем, а животот може да го доведе во голема опасност. Ако немате проблеми со срцето или во фамилијата немате личности кои боледуваат од кардиоваскуларни болести, притисокот треба да го мерите минимално еднаш годишно. Ако пак имате кардиваскуларни проблеми, се препорачува да си набавите домашен апарат за притисок и редовно да го мерите.
Холестерол
Еднаш годишно треба да го проверите нивото на холестерол во крвта, а ако веќе имате проблеми со висок холестерол или вишок килограми, тогаш се препорачува да го контролирате на секои 3 до 4 месеци.
Ниво на шеќер во крвта
Ако сте здрави, вашето тело благодарение на панкреасот, кој произведува инсулин, го регулира нивото на шеќер во крвта. Сепак, многу други болести или вишок килограми може да влијаат врз работата на панкреасот и произведувањето на инсулин, па поради тоа доаѓа до зголемување на нивото на шеќер во крвта. Тогаш доаѓа до развој на дијабетес. Нивото на шеќер во крвта би требало да го проверувате еднаш годишно, а личностите кои патат од дијабетес тоа мора да го следат секојдневно.
Тироидна жлезда
Една од 10 личности за време на животот се соочуваат со проблеми со тироидната жлезда. Постојат различни симптоми за ова, но понекогаш хормоните Т3 и Т4 се во нормала, па оваа болест може да не се забележи. Поради тоа мора да се контролира жлездата.