Со доаѓањето на пролетта и честите временски промени, се соочуваме со пад на енергијата во текот на денот. Сепак, немаме толку многу време за да се посветиме на одмор, бидејќи работните обврски ни стојат и секојдневно се соочуваме со стрес. Единствено што ни е важно е како моментално да си ја вратиме енергијата.
Кога снемуваме енергија, во првата фаза сме уморни, безволни и апатични. Ако ништо не преземеме во тој момент, имунитетот ни паѓа и можно е да се соочиме со одредени болести. Токму тогаш треба да посегнеме кон разновидна исхрана, квалитетни сезонски намирници и редовен сон. Со тоа се препорачуваат и додатоци во исхраната во вид на мултивитамини со цел да го одржиме имунитетот на високо ниво.
По кои витамини и минерали да посегнете?
Минералите го намалуваат уморот и исцрпеноста, додека пак витамините допринесуваат до нормален метаболизам, додатна енергија и нормална функција на имунолошкиот систем.
Витамин В12 влијае на подобрување на расположението. Бројни студии докажале дека токму овој витамин ја покачува енергијата, го подобрува квалитетот на сонот и будноста во текот на денот.
Витамин В1 е важен за повеќе енергија, транспорт на нервните импулси, како и за подобро мускулно ткиво.
Витамин В3 ги снабдува клетките со енергија, важен е за метаболизмот и служи за одржување на функциите на нервните ткива.
Цинкот учествува во бројни телесни процеси, а недостатокот може да предизвика промени на кожата и умор.
Магнезиумот е важен за претворање на храната во енергија. Додатокот на магнезиум може да помогне и во лечење на несоница, мускулни грчеви, ПМС..
Манганот делува и како антиоксиданс и помага при процесот на претворање на храната во енергија.