Речиси никој не може да ја смири мајката која се тресе на секоја покачена температура на нејзиното дете. Сепак, како сите така и таа, посегнува по докторски совет, па веднаш се обраќа кај матичниот педијатар.
Во денешно време, слушаме различни совети од докторите и некако сите се различни. Без разлика што неколку пати сте го посетиле матичниот лекар, како да не му верувате. Како да го пронајдете вистинскиот педијатар за вашето дете?
Секогаш е достапен преку телефон
Не секоја настинка бара посета на лекар. Понекогаш само еден обичен повик може да го спаси вашето дете од понатамошно влошување на ситуацијата. Поради тоа, добро е педијатарот да е достапен на телефон во секое време. На тој начин се создава добра врска помеѓу лекар и родител, која влева доверба.
Ја памти здравствената историја на вашето дете
Знаете дека покрај вас има одличен педијатар кога ја памти речиси целата здравствена историја на вашето дете. Токму поради тоа може да сте сигурни во неговите совети и неговата препишана терапија.
Го почитува вашето време
Ходниците за чекање пред ординација речиси секогаш се преполни. Понекогаш не може да влезете преку ред ако не е итна ситуацијата. Сепак, во некои периоди, кога докторот ќе ве забележи дека вашето дете е навистина во сериозна здравствена состојба и треба што побрзо да му се укаже помош, излегува од ординација, им се извинува на останатите пациенти и ве прима токму вас. Тоа е она што го одредува добриот педијатар и покажува дека му се приоритет оние пациенти кои мора итно да бидат прегледани.
Вашето дете го сака докторот
Добриот доктор ќе се поврзе на посебен начин со вашето дете. Ќе знае како да му го разубави „страшниот преглед“ кај луѓето со бел мантил кои препишуваат само буцки. На тој начин, посетата на педијатарот нема да биде толку многу страшна.
Ви се обраќа со почит
Многу лекари се обраќаат премногу стручно, што речиси и ништо не ги разбираме. Сепак, секој педијатар кој добро си ја познава работата ќе ви се обрати на начин разбирлив за вас и ќе ви ја објасни состојбата на вашето дете. На тој начин покажува дека има доста почит кон вас.