Честопати ни се случува да купиме крема за сончање и да ја оставиме за следната сезона. Со оглед на тоа дека кремите за сончање не спаѓаат во најевтината категорија на креми, многумина сакајќи да заштедат ја користат кремата од минатото лето.
Сепак, дали тоа е добра идеја?
Некои од кремите за сончање имаат датум на траење додека други содржат симбол за тоа колку месеци кремата може да е користи откако ќе биде отворена.
Ако на продуктот го нема знакот и нема датум, тогаш најчесто може да се користи до три години доколку се чува на правилен начин, на суво и свежо место.
Доколку датумот на важење е поминат и кремата е чувана на сонце, постојат големи шанси состојките во неа да се расипат и истата да не ви ја даде потребната заштита. Уште еден показател дека кремата не е за користење е ако забележите лош мирис или одделување на течност од неа.