Ова не е текст за некаква си магична формула, туку за возење велосипед. Неколку истражувања на оваа тема, покажуваат дека одењето на работа со велосипед освен што помага при намалување на стресот на работното место, влијае позитивно врз нашето тело во текот на целиот ден.
За многумина предноста на возењето на велосипед до работа има многу придобивки. Нема да морате да барате место за паркинг, нема да го загадувате воздухот, а воедно и ќе ја одржувате линијата.
Една неодамна објавена студија во International Journal of Workplace Health Management, сугерира дека утринското возење на велосипед кон работа може да го подобри расположението на луѓето, а воедно и да го намали нивото на стрес.
Истражувачите собрале податоци од 123 вработени од една компанија од Монтреал околу тоа како се чувствуваат на почетокот од денот и со какво превозно средство дошле на работа. Според резултатите под најголем стрес се оние што дошле на работа со автомобил, па потоа оние кои користеле јавен превоз. Категоријата која е под најмал стрес се разбира се велосипедистите.
Со оглед на тоа расположението во текот на денот многу зависи од тоа како ќе го започнете истиот, топло се препорачува, доколку имате можност да го замените автомобилот со велосипед.