Темното чоколадо е полно со хранливи состојки кои позитивно можат да влијаат на вашето здравје. Направено од семките на какао дрвото и е еден од најдобрите извори на антиоксиданси. Разни студии покажуваат дека, меѓу другото го намалува ризикот од срцеви заболувања. Еве некои од здравствените придобивки на оваа вкусна храна:
1) Го намалува индексот на телесната маса
Честото консумирање на мали порции темно чоколадо е поврзано со намалувањето на индексот на телесната маса, според студија објавена во журналот на интерна медицина. Биле анализирани 1018 мажи и жени на возраст од 20 до 85 год, а в предвид биле земени фактори како расположението, активноста во период од 7 дена, како и внесот на овошје, зеленчук, и заситени масти, а корелацијата помеѓу консумирањето на темно чоколадо и намалениот индекс на телесна маса била потврдена.
2) Ja зголемува мозочната моќ
Јадењето темно чоколадо може да му даде на вашиот мозок краткотраен поттик – зголемувајќи ја будноста – во траење од 2 до 3 часа, што било потврдено во студија од универзитетот во Нотингам. Флаванолите, едни од клучните компоненти на темното чоколадо, ги шират крвните садови, овозможувајќи поголем проток на кислород и крв до мозокот.
3) Го подобрува видот
Според одредени студии, партиципантите кои консумирале темно чоколадо со 720Mg флаваноли од какао покажале зголемени визуелни перформанси – како детектирање на движење или читање на букви со низок контраст – што најверојатно се должи на зголемениот проток на крв во мозокот и ретината.
4) Ги намалува воспалувањата
По јадењето на темно чоколадо, „добрите“ микроби во стомакот ги ферментираат анти-воспалителните состојки кои се добри за срцето. Антиоксидансите и влакната од какао правот не се целосно сварени сè додека не стигнат до дебелото црево каде се апсорбираат во телото, намалувајќи ги воспалувањата во кардиоваскуларните ткива и редуцирајќи го долгорочниот ризик од мозочен удар.
5) Го зголемува добриот холестерол (HDL)
Полифенолите од какао правот и темното чоколадо (во мали количини) го редуцираат ризикот од кардиоваскуларни болести преку намалување на лошиот холестерол (LDL) и зголемувањето на нивото на антиоксидирачкиот капацитет на добриот холестерол (HDL).