Рефлексологијата претставува древна вештина која преку стимулирање на одредени рефлексни точки носи опуштеност и смиреност на телото.
Луѓето преку неа нашле начин како да си помогнат не само на себе, туку и на новородените бебиња кои пробуваат да се прилагодат во овој свет и често се подложни на грчеви.
Експертите по рефлексологија издвојуваат неколку начини преку кои се спречуваат болките, а истовремено најмалите уживаат во масажата.
Болките на главата и забите се едни од најчестите болки кај бебињата. Доколку забележите дека вашите најмили ги имаат овие проблеми започнете со нежна масажа на прстите. Резултатите ќе бидат веднаш видливи.
Здодевната синусна болка не е присутна само кај возрасните. За ја олесните болката, можете да го масирате врвот од прстите на стапалото. Сè што треба да направите е нежно да притиснете за да ја отстраните болката.
Уште една болка која е честа кај бебињата е и стомачната болка. Неа може да ја предизвика храната која ја внесува мајката при редовните оброци, хигиената на предметите кои ги користи бебето и слично.
Еден од начините со кои овие непријатни и здодевни болки може да престанат е масажа на средината од стапалото. Оваа област е мошне значајна бидејќи во неа се сместени збир на нерви кои влијаат врз стомакот и белите дробови.
Доколку бебето има болка во колковите се препорачува триење на петите. Овој начин на масажа може да помогне и при вознемирено стомаче.