Научниците од Американскиот институт за болести на срцето после прегледани повеќе податоци од случаи каде смртта настанала поради срцев застој дојдоа до заклучок дека само 34 случаи од нив се случиле за време на сексуален однос. Од 34 случаи дури во 32, жртвите биле лица од машки пол.
Главниот автор на студијата вели дека ова е прво истражување кое е направено со цел да се утврди дали сексуалните односи може да бидат причина за застој во работата на срцето.
До застој во работата на срцето може да дојде за време на изненаден губиток на срцевата способност да ја пумпа крвта, а личноста која е погодена ја губи свеста и престанува со дишење. Доколку нема брза реанимација, може да заврши фатално. Статистиката покажува дека прекинот на работата на срцето во 90% од случаите кои биле надвор од болница бил смртоносен.
Разликата помеѓу срцевиот застој и срцевиот удар е во тоа што при срцевиот удар доаѓа до блокирање на дотокот на крв.
Иако е познато дека сексот може да ги зголеми шансите за срцев удар, во истражувањето за срцевиот застој се покажува дека во помалку од 1% од случаите сексот бил причина за настанувањето на срцевиот застој. На оние кои им се случило тоа претежно веќе имале срцеви проблеми или биле средновечни.
За време на студијата се покажало и дека само во една третина од случаите била направена реанимација на пациентот.
Овие податоци покажуваат колку всушност е од голема важност да се продолжи со напорите околу едукацијата на јавноста за подигнување на свеста и пружање на прва помош независно од околностите.