Мислите се нешто кое не е секогаш во наша контрола. Во зависност од тоа дали се позитивни или негативни, тие се од клучно значење за нашето здравје.
Досегашните истражувања покажаа дека мислите може да бидат еден вид на внатрешни предизвикувачи на стрес и може да доведат до многу болести.
Негативните мисли и ставови создаваат чувства на беспомошност и безнадежност, а притоа го поттикнуваат создавањето на хроничниот стрес кој ја нарушува хормонската рамнотежа на телото, го исцрпува хормотнот за среќа и го оштетува имунолошкиот систем.
Без оглед на тоа од каде потекнуваат мислите тие имаат тенденција да создадат состојба на паника и да влијаат на нервниот систем, а како резултат на тоа телото реагира и ние доживуваме брзи срцеви отчукувања, зголемување на крвниот притисок и пренасочување на циркулацијата на крвта од срцето, мозокот и белите дробови кон понеопходните органи.
Интересен податок е дека луѓето кои се поподложни кон самоиспитување и паника најчесто заболуваат од разни психолошки и дигестивни нарушувања, кардиоваксуларни болести и др.
Истражувањата на Кони Лилас, познат психолог утврдиле дека мисловниот процес води кон три можни цели:
1. Поставување на ногата на гас што води кон лутина и бес
2. Нога на сопирачка, претставува повлекување во себе и води до депресија
3. Нога на двете што води кон замрзнување на сè околу личноста
Еден од методите кои се практикуваат за да се воспостави контрола врз мислите е медитацијата, која освен за исфрлање на стресот помага и за воспоставување на внатрешниот мир и позитивно влијае на вашето здравје.