За да имате прогрес во вежбањето, мора секоја вежба да ја изведувате со правилна форма и интензитет кој гради мускули.
Но, постои период кога се „опуштаме“ и кога мускулите веќе можат да предвидат која вежба ќе се прави следна и престануваат да растат, а тоа обично се случува ако 6 до 8 недели на некој начин не се смени тренинг рутината (во поглед на вежби, нивниот интензитет или бројот на повторувања, и др.).
Еве неколку показатели дека треба да ја смените нешто во вашите тренинзи:
Не чувствувате болка
Изразот „no pain, no gain” (без болка нема напредок) не е само клише – DOMS (болката во мускулите која се јавува по вежбањето) е резултат на микротраумата на конективните ткива кога мускулите ги изложуваме на стрес. Добро е кога ја чувствуваме бидејќи тоа е знак дека доволно сме ги „оштетиле“ мускулите со вежбањето, бидејќи нивното опоравување ги прави поголеми и посилни со тек на време. Доколку DOMS-от изостанува, тоа значи дека мускулите најверојатно не сме ги оптовариле доволно за да нивните влакна се скинат, што значи дека нема да се зголемат/зајакнат.
Телото не ви се менува
За да бидеме посилни и изгледаме подобро, потребно е мускулната маса да се зголеми, а мастите да се намалат. Доколку на телото после подолг период вежбање нема видливи промени, тоа значи дека рутината мора да се смени за да се сопре стагнирањето.
Вежбите ви се прелесни
Вежбањето треба да стане полесно со тек на време. Тоа значи дека телото се адаптира на движењата и товарот, и ги извршува задачите поефикасно. Но, во моментот кога вежбите ќе станат прелесна, време е или да се зголемат тежините (за да последните повторувања ви претставуваат предизвик), или комплетно да се промени рутината.
Вежбањето ви здосадува
Вежбањето треба да претставува предизвик, но и уживање, а доколку уживањето изостанува и едвај чекате да завршите со тренингот, време е за промени. Како резултат на досадата, можно е да поминувате повеќе време на клупата за одмор или со мобилниот телефон во рака, наместо да вежбате, со што со тек на време ќе изгубите на силата.
Веќе не сте гладни по тренингот
Една од придобивките од предизвикувачката тренинг рутина е дека го зголемува апетитот бидејќи на тој начин телото ви кажува дека му е потребно гориво за да ги зајакне и изгради мускулите. Доколку по тренингот не се чувствувате гладни, тоа значи дека таа цел не е постигната.