Една од најчесто користените машини во теретаните за согорување калории дефинитивно е подвижната лента, но тоа може да го сторите на уште неколку начини. Еве некои од нив:
Јаже за скокање
Со јажето за скокање можете да вежбате и во домашни услови, а со негова помош ќе согорувате 10 калории во минута, притоа вежбајќи ги нозете, задникот и рацете.
Статичен велосипед
Возење на статичен велосипед со брзина од 15км/ч во траење од 45мин. согорува 300 калории. За да оваа бројка се зголеми, зголемете го отпорот или преместете се во стоечка позиција додека го возите.
Степер или подвижни скалила
Со правилно користење на овие машини се согоруваат 300 калории за 40мин., притоа сериозно вежбајќи ги мускулите на долниот дел на телото.
HIIT на подвижна лента
HIIT (high intensity interval training / интервално тренирање со висок интензитет) е начин на вежбање кој станува сè повеќе популарен. Со него кардио делот од тренингот трае многу пократко и е поинтересен, бидејќи за кратко време се трошат голем број на калории, наместо да поминувате со часови на лента. По 5-минутно загревање, драстично зголемувајте ја и намалувајте ја брзината на трчање во интервали од по 1 минута до 30мин, ќе потрошите минимум 300 калории, во зависност од брзините.