Еден од шест парови има проблем со забременувањето. Во 20 проценти од случаите станува збор за лош квалитет на сперматозоидите кој често се поврзува со недостатокот на цинк и витамини во телото. Од тие причини е препорачливо да се внесуваат намирници кои ги имаат во изобилство, а со тоа се штити машката плодност и се подобрува квалитетот на спермата.
1. Семки од тиква
Семките од тиква се добар извор на омега-3 масни киселини, цинк и витамин К, а воедно штитат од рак, артритис и остеопороза. Омега-3 масните киселини го зголемуваат протокот на крв до половите органи.
2. Шипинки
Сокот од шипинки ја подобрува ерективната функција и го подобрува квалитетот на спермата. Одредени резултати покажале дека мажите и жените кои секојдневно пијат по една чаша од него имаат зголемено ниво на хормонот тестостерон кој ја зголемува сексуалната желба.
3. Остриги
Цинкот топло се препорачува во третманот за машка неплодност бидејќи е доста важен при создавањето и движењето на сперматозоидите. Познато е дека остригите се богати со цинк, а во исто време се и афродизјаци кои ја подобруваат потентноста.
4. Лук
Лукот делува како природен афродизјак и го зголемува бројот на произведени сперматозоиди. Тој содржи алицин кој ја зајакнува издржливоста на спермата и го подобрува циркулирањето на крвта. Селенот кој го има во лукот придонесува за движењето на спермата.
5. Зелен чај
Истражувањата покажаа дека антиоксидантите кои ги содржи зелениот чај имаат потенцијал да ја стимулираат плодноста бидејќи ги неутрализираат слободните радикали кои може да ги оштетат сперматозоидите. Според студијата од 2012 година мала доза на епигалокатехин галат кој го има во зелениот чај може да го подобри квалитетот на спермата вклучувајќи ја нејзината мобилност што резултира со подобрен потенцијал за оплодување. Сепак, треба да се внимава со прекумерените внесени дози на епигалокатехин галат бидејќи може да имаат спротивен ефект.